‘लकडाउन’ प्रभाव सप्तरीको बजार पूर्णरुपमा बन्द

सप्तरी  । कोरोना महामारीबाट बच्न नेपाल सरकारले आजबाट देशभर लकडाउन गरेको छ ।

लकडाउन पालना गर्न सप्तरी सदरमुकाम राजविराज सहित १८ वटै स्थानियतहका बजारहरु पुर्ण रुपमा बन्द भएको छ । बजारमा मानिसहरु हिंडेका छैनन् भने सवारीसाधन समेत बन्द भएका छन् ।सुरक्षाकर्मीहरुको व्यापक परिचालन गरिएको छ ।

ईमर्जेन्सी सेवामा चलेका सवारीसाधनलाई समेत सुरक्षाकर्मीहरुले रोकेर सोधपुछ गरिरहेका छन् । केही पैदल हिंडेकालाई प्रहरीले सम्झाइ बुझाइ अब नहिड्न सुझाब दिएको छ ।

कोरोनाबाट बच्न नेपाल सरकारले देशभर आजदेखि एक हप्तासम्मका लागि गरेको लकडाउनले सप्तरीबासी सचेत भएर होम क्वारेन्टाइनमा बसेका छन ।