सुन्तला ब्लक क्षेत्रका कृषकलाई पावर टिलर मेशिन वितरण
पर्वत । पर्वतको मोदी गाउँपालिकाको सुन्तला ब्लक क्षेत्रका कृषकहरुलाई पावर टिलर मेशिन वितरण गरिएको छ ।
प्रधानमन्त्री कृषि आधुनिकीकरण परियोजना अन्तर्गत कृषकहरुलाई ती मेशिनहरु उपलब्ध गराइएको हो । सोही अवसरमा सिंचाइको लागि ७ हजार मिटर पाइप, स्प्रे मेशिन लगाइतका अन्य थप सामग्रीहरु समेत वितरण गरी सकिएको छ ।
झण्डै चार हजार तीन सय रोपनी क्षेत्रफलमा फैलिएको उक्त ब्लक क्षेत्रमा ६१ हजार सुन्तला र ६ हजार कागतीका बोट रहेका छन् ।
कृषकहरुलाई आधुनिक कृषि यन्त्र तथा सामग्री वितरण कार्यक्रममा बोल्दै मोदी गाउँपालिका अध्यक्ष प्रेम शर्मा पौडेलले उत्पादन वृद्धि गरी उत्पादित कृषि उपजको बजारीकरणको लागि समेत प्रयास भइरहेको जानकारी दिनुभयो ।
प्रतिक्रिया राख्नुहोस्