श्रीमानले गरे श्रीमतीको हत्या

कञ्चनपुर ।कञ्चनपुरको पुनर्वास नगरपालिका वडा नम्बर ८ क गाउँका ६३ वर्षीय सफली बयाडीले आफ्नै श्रीमती ६० वर्षीया खन्जरी बयाडीलाई दाउराको चिर्पटले कुटपिट गरी हत्या गरेका छन् । आइतबार राति सफली बयाडीले आफ्नै श्रीमतीसंग झगडा गर्ने क्रममा टाउकोमा दाउराको चिर्पट प्रहार गरी गभ्मीर घाइते बनाएका थिए ।

गम्भीर घाइते श्रीमती खन्जरीको स्वास्थ्योपचारका लागि पुनर्वास पोलिक्लिनिक देखि धनगढी हुँदै कोहलपुरसम्म रेफर गरिएको भएपनि उपचार हुन नसकी उनको मृत्यु भएको प्रहरीले जनाएको छ । मृतकको शव पोष्टमार्टमका लागि मंगलबार सेती प्रादेशिक अस्पतालमा राखिएको छ ।
आफ्नै श्रीमती खन्जरी बयाडी माथि कुटपीट गरी हत्या गर्ने श्रीमान सफली बयाडीलाई नियन्त्रणमा लिई घटनाको थप अनुसन्धान गरिरहेको इलाका प्रहरी कार्यालय त्रिभुवनवस्तीका प्रहरी निरीक्षक वकिल बहादुर सिंहले जानकारी दिनुभयो ।