विभिन्न कार्यक्रमका साथ विश्व उपभोक्ता अधिकार दिवस सम्पन्न

भुषण पोखरेल । विश्व उपभोक्ता अधिकार दिवस आज विभिन्न कार्यक्रमको आयोजना गरी मनाईएको छ ।

दिवसका अवसरमा आज काठमाडौमा आयोजित कार्यक्रममा उद्योग वाणिज्य तथा आपुर्तिमन्त्री लेखराज भट्टले उपभोक्ताले आफ्नो अधिकार जिम्मेवारीपुर्ण रुपमा उपयोग गर्नुपर्ने बताउनुभयो ।

मन्त्री भट्टले बजारमा अहिले कुनैपनि वस्तुको अभाव नरहेको भन्दै उपभोक्तलाई नआत्तिन आग्रह गर्नुभयो ।

उद्योग वाणिज्य तथा आपुर्ति मन्त्रालयका सचिवद्धय चन्द्रकुमार घिमिरे र वैकुण्ठ अर्यालले उपभोक्ताको हितलाई ध्यानमा राखी मन्त्रालयले पहल कदमी शुरु गरिसकेको जानकारी दिनुभयो ।

त्यस अवसरमा उपभोक्ता हितका क्षेत्रमा सक्रिय सदस्यहरुले उपभोक्ताको हितका लागि कन्द्रीय, प्रदेश र स्थानीय तहको सरकार विच समन्वय गरी नीतिगत सुधार नगरे कृत्रिम अभाव सिर्जना हुने बताए ।