बी डिभिजन लिगः बाँसबारी क्लबको पहिलो हार

काठमाडौं । सहिद स्मारक बी डिभिजन लिगमा बाँसबारी क्लबले पहिलो हार ब्यहोरेको छ । आइतबार भएको खेलमा लिगको चौथो स्थानमा रहेको नयाँबस्तीसँग बाँसवारी एक शुन्यले पराजित भयो ।

सातदोबाटो स्थित एन्फा मैदानमा भएको खेलमा नयाँबस्तीको जितमा सब्सिच्युट खेलाडी साजन राईको एकमात्र गोल निर्णायक बन्यो । खेलको पहिलो हाफ गोलरहित बराबरी भएको खेलको दोस्रो हाफका इन्जुरी समयमा नयाँबस्तीले गोल गर्यो ।

५६ औं मिनेटमा संजोक राईको स्थानमा मैदान प्रवेश गरेका साजन राईले गोल नयाँबस्तीका लागि गोल गरे । त्यसपछि बाँसबारी खेलमा फर्कन सकेन र पराजित भयो ।

जितपछि नयाँबस्तीले पाँच खेलमा तीन जित र दुई हारसँगै अंक बनाएको छ । बासबारीको पाँच खेलमा ११ अंक छ ।

अर्को खेलमा पुल्चोक स्पोर्टस क्लव र झम्सिखेल युथ क्लवले बराबरीमा चित्त बुझाएका छन ।

सातदोबाटो स्थित एन्फा मैदानमा भएको खेलमा पुल्चोक र झम्सिखेलले एक एक गोलको बराबरी खेले । पुल्चोकका लागि आकाश रानाले गोल गरे ।

झम्सिखेलका लागि मदन स्याङतानले गोल गर्दै खेललाई बराबरीमा पुर्याए । त्यसपछि दुबै टिमबाट थप गोल भएन र अंक बाँडे ।