कञ्चनपुरमा स्कुल बस दुर्घटना

कञ्चनपुर । कञ्चनपुरको शुक्लाफाँटा नगरपालिका वडा नम्बर ११ अमरपुरमा युनिभर्सल बाल विद्या निकेतनको स्कुल बस दुर्घटना भएको छ ।परीक्षा दिएर फर्किरहेका बिद्यार्थी सवार म १ ख ४२४ नम्बरको स्कुल बस आइतबार दिउँसो बिद्यालय नजिकैको पानी पोखरीमा खसेको हो ।

बस सवार ३० जना बिद्यार्थीहरूको सकुशल उद्वार गरिएको जिल्ला प्रहरी कार्यालय कञ्चनपुरका प्रहरी निरीक्षक कृष्नानन्द भट्टले बताउनुभयो ।

स्कुल बसमा कति जना सवार थिए भन्ने यकिन नभएको प्रहरीले जनाएको छ । बस पोखरीमै रहेकोले थप उद्वारको कार्य जारी रहेको बताइएको छ ।