बिश्वभरमा कोरोनाबाट मृत्यु हुनेको संख्या ५ हजार ७९८ पुग्यो

काठमाडौं – चीनबाट शुरु भएको कोरोनाभाइरस अहिले बिभिन्न देशमा फैलिएको छ । हालसम्म कोरोनाको संक्रमण १४९ देशमा भेटिएको छ । कोरोनाकै कारण बिश्वभरमा ५ हजार ७९८ को मृत्यु भइसकेको छ । कोरोनाबाट १ लाख ५४ हजार हजार २७९ मानिस संक्रमित भइसकेका छन् ।

कोरोनाको प्रभाव सुरूमा केही एशियाली मुलुकमा देखिएको थियो तर अहिले भने यूरोप हुँदै अमेरिकासम्म कोरोना पुगेको छ । बेलायतमा कोरोनाको प्रभाव एक नवजात शिशुमा पनि देखिएको छ । नवजात शिशुमा कोरोनाको संक्रमण देखिएको यो पहिलो हो । उक्त बच्चा जन्मनासाथ ज्वरोआएको र नतिजा पोजिटिभ आएको बताइएको छ ।