आहा ! रारा गोल्डकपको उपाधि मनाङ मर्स्याङ्दीलाई

पोखरा । १८औं आहा ! रारा गोल्डकप फुटबलको उपाधि मनाङ मर्स्याङ्दी क्लबले हात पार्न सफल भएको छ ।

शनिबार पोखरा रगंशालामा भएको फाइनलमा नेपाल पुलिस क्लबलाई टाइब्रेकरमा ४—३ ले पराजित गर्दै मनाङले छैटौं पटक उपाधि जित्न सफल भएको हो ।

निर्धारित ९० मिनेट र थपिएको ३० मिनेटको खेल गोलरहित बराबरीमा सकिए पछि खेल टाइब्रेकर पुगेको थियो । टाइब्रेकर मनाङ मर्स्याङ्दी क्लबले बाजी मार्न सफल भयो ।