उदयपुरमा बलात्कारको आरोपमा एक जना पक्राउ

उदयपुर । शारिरीक अपाङ्गता भएकी २६ बर्षिया युवतीलाई बलात्कार गरेको आरोपमा प्रहरीले एक युवालाई पक्राउ गरेको छ ।

बुधबार राती पीडितको घरको ढोका फुटाई बलात्कार गरेको आरोपमा प्रहरीले त्रियुगा नगरपालिका ९ का १९ बर्षीय बबित दनुवारलाई पक्राउ गरेको हो ।

परिवारका सबै सदस्य सुतेको मौका छोपी आरोपितले राती १२ः०० बजे युवती सुतेको ढोका फुटाई पसेर बलात्कार गरेको प्रहरीले जनाएको छ ।

पक्राउ परेका दनुवारलाई प्रहरी हिरासतमा राखी थप अनुसन्धान भईरेहेको जिल्ला प्रहरी कार्यालयका एसपी विरबहादुर बुढामगरले जानकारी दिनुभयो ।