लघुजलविद्युत आयोजनाको ५० मिटर कुलो भत्कियो

अछाम । दर्ना लघु जलविद्युतको कुलो भत्किएको छ । कुलोबाट नियमित पानी चुहिँदै गएपछि पावर हाउस नजिकैको करिब ५० मिटर कुलो भत्किएको हो ।

यसरी कुलो भत्किदा विद्युत सेवा पुर्ण रुपमा बन्द भएको छ । कुलो निर्माणका लागी तत्काल समितीसँग आर्थिक स्रोत समेत नभएकाले निर्माण हुन केही समय लाग्ने विद्युतका अपरेटर झनक थापाले जानकारी दिनुभयो ।

सामान्य बजेटले निर्माण नहुने देखिएकाले वडा गाउँपालिका, र प्रदेश सरकारसँग बजेट माग गरिने उहाँले बताउनुभयो ।

५० मिटर कुलो भत्केकाले तत्काल कति बजेट लाग्ने भन्ने कुरा प्राविधिकको स्थलगत रिर्पोटको आधारमा थाहा हुने उहाँले जानकारी दिनुभयो ।

यता विद्युत सेवा अबरुद्ध भएपछि वडामा सञ्चालित बिभिन्न ईलेक्ट्रोनीक पसल, कुटानी, पिसानी मीलहरु सञ्चालन गर्न समस्या भएको छ भने वडा पुरै अन्धकार हुने भएको छ ।