अछामका दुई जनाको भारतमा दुर्घटनामा परी मृत्यु

अछाम । अछामका दुई जनाको भारतको छत्तिसगढमा दुर्घटनामा परी ज्यान गएको छ । भारतको छत्तीसगढ राज्यको रायपुरमा सडक दुर्घटनामा परि अछामको बान्नीगढी जयगढ गाउँपालीका वडा नम्बर ५ कालिका र वडा नम्बर २ जनालीकोट घर भएका दुई जनाको ज्यान गएको हो ।

ज्यान जानेमा बान्नीगढी जयगढ गाउँपालिका वडा नम्बर ५ कालिकाका २७ बर्षका बलबहादुर साउँद र वडा नम्बर २ जनालीकोटका करिब ४५ बर्षका अमर साउँद रहेका छन ।

मोटरसाईकलमा सवार रहेको उनीहरुलाई बसले ठक्कर दिँदा दुवै जनाको मृत्यु भएको आफन्तले जनाएका छन् । मृतक दुवै जनाको भारतमै दाह सँस्कार गरिएको छ ।

त्यस्तै दुर्घटनामा परि वडा नम्बर ५ कालिकाका भुपाल साउँद घाईते भएका छन् ।