राष्ट्रियसभा सदस्य निर्वाचनका लागि आज मनोनयन दर्ता हुँदै
काठमाडौँ । राष्ट्रियसभा सदस्यको आगामी माघ ९ गते हुने निर्वाचनका लागि आज मनोनयनपत्र दर्ता हुँदैछ ।
आजबिहान १० देखि अपराह्न ३ बजेसम्म मनोनयन दर्ताको समय तोकिएको निर्वाचन आयोगले जनाएको छ ।
उम्मेदवारले मनोनयनपत्र दर्ताका लागि प्रस्तावक र समर्थकको नाम, नागरिकताको प्रमाणपत्रको प्रतिलिपि, धरौटी जम्मा गरेको नगदी रसिद वा बैंक भौचर पेश गर्नुपर्ने आयोगले जनाएको छ ।
निर्वाचनका लागि निर्वाचन अधिकृतको कार्यालय सम्बन्धित प्रदेशको उच्च अदालत रहेका जिल्लामा स्थापना भइसकेको छ ।
उनान्साठी सदस्यीय राष्ट्रियसभाका १९ जनाको आगामी फागुन २० गते पदावधि सकिँदैछ ।
त्यसमध्ये १८ जनाको निर्वाचनको माध्यमबाट र एक जना सरकारको सिफारिशमा राष्ट्रपतिबाट मनोनित हुनेछ ।
प्रतिक्रिया राख्नुहोस्