गायिका आशा भोस्ले रेडियो नेपालमा
काठमाडौँ । भारतकी प्रसिद्ध गायिका आशा भोस्लेले आज रेडियो नेपालको संगीत स्टूडियोमा केही गीतको रिहर्सल गर्नुभएको छ ।
शनिबार काठमाडौँमा हुने एक कन्सर्टमा सहभागी हुन गायिका भोस्ले बुधबार नेपाल आउनुभएको हो ।
गायिका आशा भोस्लेले यो हो मेरो प्राणभन्दा प्यारो माइतीघर, म प्यार बेचिदिन्छु, गैरीखेतको शिरै हान्यो, मोहनी लाग्ला है लगायतका दर्जनौ नेपाली गीत गाउनुभएको छ ।
रेडियो नेपालमा उहाँलाई कार्यकारी निर्देशक सुरेशकुमार कार्की र नायव कार्यकारी निर्देशक अशोक बास्कोटासहित रेडियो नेपालका कर्मचारीहरुले स्वागत गर्नुभएको थियो ।
प्रतिक्रिया राख्नुहोस्