कर्मचरी सरुवामा चक्रिय प्रणाली लागु गर्ने सहमति
काठमाडौँ।निजामति कर्मचारीलाई सरुवा गर्दा अनिवार्य रुपमा चक्रिय प्रणाली लागु गर्ने विषयमा सांसदहरु सहमत हुनु भएको छ ।राज्यव्यवस्था तथा सुशासन समितिमा संघीय निजामती सेवाको गठन, सञ्चालन र सेवाका शर्त सम्बन्धी विधेयक माथिको छलफलमा चक्रिय प्रणाली अनुसार कर्मचारी सरुवा गर्दा कर्मचारीलाई सवै भौगोलिक क्षेत्रको अनुभव दिलाउने र पूर्व अनुमान योग्य हुनेगरी तोकिएको आधार र प्राथमिकता अनुसार गर्ने विषयमा सांसदहरु सहमत हुनु भएको हो ।
यस अघि भौगोलिक तह अर्थात जिल्ला तहलाई सरुवाको आधार मानिएकोमा अव सरुवाका लागि स्थानीय तहलाई आधार मानिएको छ ।
त्यस्तै निजामति कर्मचारीलाई दुई वर्ष पुरा नभई अर्को कार्यालयमा सरुवा नगर्ने विषयमा सहमति भएको छ । तर राजपत्राङ्कित विशिष्ट प्रथम श्रेणि वा सो सरहका निजामति कर्मचारीलाई सरकारले अवश्यकता अनुसार पारदर्शी रुपमा सरुवा गर्न सक्ने अवस्थामा पनि सहमति भएको छ ।
बैठकमा सामान्य प्रशासन मन्त्री लालबाबु पण्डितले तल्ला तहमा कर्मचारी जाने अवस्था सिर्जना हुने गरी कानुन बनाउनु पर्नेमा जोड दिनुभएको छ ।
मन्त्री पण्डितले विशेष कारणले कोही सक्षम व्यक्तिलाई नयाँ आयोजना दिनु पर्ने वा कोही व्यक्तिका कारण काम राकीएको अवस्थामा उसलाई सरुवा गर्न सक्ने अवस्था पनि हुनु पर्ने पनि बताउनु भयो ।
प्रतिक्रिया राख्नुहोस्