अपांगता परिचयपत्र नहुदा सरकारी सेवा सुविधाबाट बञ्चित

जाजरकोट –जाजरकोटको बारेकोट गाउँपालिका ८, लैखम गाउँकी ५८ बर्षीया सरस्वती उपाध्याय खत्रीको जलबिन्दु रोगबाट दुवै  आँखाको ज्योती गुमेको २० बर्ष बित्यो ।

उपचारको लागि नेपाललगायत भारतको बिभिन्न अस्पतालमा पुगे पनि आँखाको उपचार सफल भएन् । खत्री अहिले दृष्ट्रिबिहिन जीवन बिताइरहेकी छन् । गत बैशाखमा नेपाली नागरिकताको प्रमाणपत्र बनाएकी खत्री अपांग परिचयपत्र नहुँदा सरकारी सेवा सुविधाबाट भने बञ्चित भएकी हुन । सरकारी सेवाबाट वर्षौंदेखि बञ्चित छिन खत्री ।

अपांगता परिचयपत्र नहँुदा सामाजिक सुरक्षा भत्तालगायत सेवा पाउन अपांगता भएकी खत्रीलाई समस्या भएको हो । बर्षाैदेखि घरमै कष्टकर जीवन बिताउनुको पिडा उनले सुनाइन् । घरबाट यताउता कतै जानै सकिदैन, घरपरिवारको बोझ बनेर बाच्नुभन्दा मर्नु नै बेस थियो तर काल पनि आउदैन् उनले भनिन् । दैनिक चर्पी जान आउन भित्र बाहिर गर्न पनि बोकेरै ल्यैजानु पर्छ छोरा रणबहादुरले भने । आमाको  दुवै  आँखा बन्द भएको २० बर्ष भयो । एक जनाको काम आमालाई स्याहार गर्नमै बित्छ, उनले भने । अहिलेसम्म आमाको अपांगता परिचयपत्र बनाउनसमेत सकिन । सामान्य अपांगताले भत्ता खान्छन उनले भने । स्थानीय सरकारलेसमेत अपांगताका लागि घरदैलोमै पुगेर सेवाप्रवाह गर्न नसक्दा खत्री जस्तै धेरैलाई समस्या छ ।

गाउँपालिकाका अध्यक्ष महेन्द्रबहादुर शाहले ९ वटै वडामा रहेका अपांगता भएका ब्यक्तिहरुको तथ्याङक संकलनको काम भइरहेको छ भन्दै उनीहरुको पहिचान गरेर अपांगता भत्ताको सेवा प्रदान गरिने बताउनुभयो । बारेकोटमा ४ दर्जन भन्दा बढीले अपांगता भत्ता पाउने गरेका छन ।