काठमाडौंसहित देशभर मौसम बदली कायम
काठमाडौं । राजधानी काठमाडौंसहित देशका विभिन्न भागको मौसममा बदली कायम छ । जल तथा मौसम पूर्वानुमान महाशाखाले जनाएअनुसार अरब सागरको पूर्वी—मध्य भागमा विकसित भएको न्यून चापीय प्रणालीका साथै पश्चिमी वायुको प्रभावको कारणले नेपालको मौसममा बदली आएको छ ।
महाशाखाले हाल देशभरी आंशिकदेखि सामान्य बदलीको अवस्था रहेको जनाएको छ । आज बुधबार देशको मध्य तथा पूर्वी भूभागमा सामान्य बदली हुनेछ भने भोलि विहीबार र शुक्रबार पनि त्यस्तै अवस्था रहन सक्ने जनाइएको छ । उच्च हिमाली क्षेत्रमा हिमपातको समेत सम्भावना रहेको मौसम पूर्वानुमान महाशाखाले जनाएको छ । आगामी २४ घण्टामा पहाडी भूभागमा हल्का वर्षाको सम्भावना रहेकोले सामान्य सतर्कता अपनाउन महाशाखाले आग्रह गरेको छ ।
प्रतिक्रिया राख्नुहोस्