२०७८ साल माघ २ गते आइतबार

तपाईँ सुन्दै हुनुहुन्छः

राष्ट्रपति भण्डारी स्वदेश फिर्ता

रेडियो नेपाल २०७६ कार्तिक ६ गते ८:१२

टोकियो । राष्ट्रपति विद्यादेवी भण्डारी जापान सरकारको मैत्रीपूर्ण निमन्त्रणामा सम्राट नोरुहितोको गद्दी आरोहणको विशेष समारोहमा सहभागी भई आज बिहान टोकियोको हानेबा विमानस्थलबाट स्वदेशतर्फ प्रस्थान गर्नुभएको छ ।

उहाँलाई हानेबा विमानस्थलमा जापानी विदेशमन्त्रीका विशेष सहायक मासासी ओगावा, जापानका लागि नेपाली राजदूत प्रतिभा राणा तथा जापानस्थित नेपाली दूतावासका अधिकारीहरुले बिदाइ गर्नुभयो ।

राष्ट्रपति भण्डारीका साथमा गृहमन्त्री रामबहादुर थापा, परराष्ट्र सचिव शङ्करदास वैरागी, राष्ट्रपति कार्यालयका सचिव डा हरि पौडेल, राष्ट्रपतिका प्रमुख स्वकीय सचिव डा भेषराज अधिकारी तथा परराष्ट्र मन्त्रालय र राष्ट्रपति कार्यालयका उच्चपदस्थ अधिकारी तथा सञ्चारकर्मी रहनुभएको छ ।

राष्ट्रपती भण्डारीलाई टोकियोस्थित हानेदा विमान्स्थलमा जापानको परराष्ट्र मन्त्रालयका विशेष प्रतिनिधि मासासी ओगावा, नेपालका लागि जापानका राजदुत र जापानका लागि नेपाली राजदुत प्रतिभा राणासहित नेपाली दूतावासका पदाधिकारीहरुले विदाई गर्नुभएको थियो ।

सम्बन्धित