२०७९ साल असार १२ गते आइतबार

तपाईँ सुन्दै हुनुहुन्छः

गाई–गोरु मरेको घटना बारे छानबिन समितिको प्रतिवेदन सार्वजनिक

रेडियो नेपाल २०७६ असोज १५ गते ७:४८

नेपालगञ्ज ।  बाँकेको नेपालगञ्जबाट दैलेख लैजाने क्रममा सुर्खेतको कटकुुवा जङ्गलमा गाई–गोरु मरेको घटनाका सम्बन्धमा छानबिन गर्न गठित छानविन समितिले मंगलवार प्रतिवेदन सार्वजनिक गरेको छ ।

नेपालगञ्ज उपमहानगरपालिकाद्वारा उच्च अदालत बार एसोसियसन नेपालगञ्जका अध्यक्ष अधिबक्ता विकास आचार्यको संयोजकत्वमा गठित छानविन समितिले मेयर डा.धवल शमशेर राणालाई बुझाएको प्रतिवेदनमा व्यवस्थापकीय कमजोरीका कारण गाई–गोरु मरेको निष्कर्ष निकालिएको छ ।

सुरक्षितरूपमा पशु ढुवानी मापदण्ड पूरा नगरी ढुवानी गरेको, ढुवानीकर्ता र जिम्मा दिइएका कर्मचारीहरुले आवश्यक सतर्कता नअपनाएको र सम्बन्धित निकायमा समयमै सूचना नगरेको कारण घटना हुन पुगेको स्थलगत अनुगमन र छानबिनका क्रममा उपलब्ध तथ्यहरुले देखाएको प्रतिवेदनमा उल्लेख छ ।

गत भदौ १२ गते राति नेपालगञ्ज वाट २ सय ९१ वटा गाईगोरु आठ वटा ट्रकमा राखेर दैलेख लैजाने क्रममा ३९ वटा गाई–गोरुको मृत्यु भएको छानबिन समितिले जनाएको छ ।

सरकारले गृह मन्त्रालयका उपसचिव सागरमणि पाठकको संयोजकत्वमा गठन गरेको छानबिन समितिले केही दिनअघि नै प्रतिवेदन बुझाइसके पनि प्रतिवेदन सार्वजनिक गरिएको छैन ।

सम्बन्धित