सुनको मूल्य आज पनि घट्यो, हेर्नुहोस् कति पुग्यो ?

काठमाडौं ।साताको पहिलो दिन अर्थात आइतबार पनि सुनको मूल्य घटेको छ।

आज छापावाल सुन प्रतितोला ७० हजार २ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

हिजो छापावाल सुन प्रतितोला ७० हजार ६ सय रुपैयाँमा कारोबार भएको थियो। तोलाको ७३ हजार भन्दा माथि पुगेको सुनको मूल्य पछिल्लो समय लागातार गिरावट आएको छ।

त्यस्तै आज तेजावी सुन प्रतितोला ६९ हजार ९ सय रुपैयाँमा कारोबार भइरहेको छ। हिजो तेजावी सुन प्रतितोला ७० हजार ३ सय रुपैयाँमा कारोबार भएको थियो।

त्यस्तै आज चाँदीको मूल्य पनि घटेको छ। आज चाँदी प्रतितोला ८४० रुपैयाँमा कारोबार भइरहेको छ। हिजो चाँदी प्रतितोला ८७० रुपैयाँमा कारोबार भएको थियो।