२०७८ साल कार्तिक १० गते बुधबार

तपाईँ सुन्दै हुनुहुन्छः

सरकारका तीन सचिवले आज अवकास पाउँदै

रेडियो नेपाल २०७६ साउन २१ गते ११:२१

काठमाडौं। सरकारका ३ सचिवले आज (मंगलबार) देखि अवकास पाउँदै छन् । सचिवहरूमा अर्जुनकुमार कार्की, दीपेन्द्रनाथ शर्मा र विष्णु लम्सालले आजबाट निजामती सेवाबाट विदा लिंदैछन् ।

तीनै जनाले निजामती सेवामा तोकिएको उमेर हदका कारण अनिवार्य अवकास पाउन लागेका हुन् । विशिष्ट श्रेणीमा पदोन्नति भएको ५ वर्ष पूरा गरेपछि सेवाबाट अनिवार्य अवकास हुने कानुनी व्यवस्था छ । आज अवकास हुन लागेका तीन जनाले नै ०७१ साउनमा सचिवमा पदोन्नति पाएका हुन् ।

 

अवकास पाउन लागेका कार्की राष्ट्रिय पुनर्निर्माण प्राधिकरण र शर्मा खानेपानी मन्त्रालयका सचिव हुन् । अब यी दुवै मन्त्रालयमा सचिव पद रिक्त हुने भएका छन् ।

अर्का वरिष्ठ सचिव विष्णु लम्साल सचिवबाट बिदा भए पनि उनले अवकासको मुखैमा अर्को जिम्मेवारी लिने तयारीमा छन् । उनलाई यसअघि बसेको मन्त्रिपरिषद् बैठकले प्रशासनिक प्रशिक्षण प्रतिष्ठानको वरिष्ठ अध्ययन निर्देशकमा नियुक्ति गरेको छ । त्यहाँ उनको कार्यकाल २ वर्षको हुनेछ ।
दुई सचिव पनि बिदा हुँदै

अन्य दुई२ सचिव पनि विदा हुँदैछन् । साउनमै अवकास पाउनेमा युवा तथा खेलकुद मन्त्रालयका सचिव कृष्ण देवकोटा र विज्ञान तथा प्रविधि मन्त्रालयका सचिव कृष्णराज बीसी छन् । दुवै सचिवले ५८ वर्षे उमेर हदका कारण बिदा पाउन लागेका हुन् ।

 

सम्बन्धित