२०७८ साल मंसिर २० गते सोमबार

तपाईँ सुन्दै हुनुहुन्छः

२५६३ औैं बुद्धजयन्ती सम्पन्न

रेडियो नेपाल २०७६ जेठ ४ गते १९:२१

काठमाडौं । २५६३ औै बुद्धजयन्ती आज विभिन्न कार्यक्रमको आयोजना गरी मनाइएको छ ।

२५६३ औ बुद्धजयन्ती मूल समारोह तथा प्रदेश ५ सरकारले सुरु गरेको लुम्विनी भ्रमण वर्ष २०७६ को आज लुम्बिनीमा शुभारम्भ गर्नुहुँदै राष्ट्रपति विद्यादेवी भण्डारीले बुद्धजयन्ती शान्ती, अहिंसा र करुणाको पर्वको रुपमा रहेको बताउनुभयो ।

राष्ट्रपति भण्डारीले विश्व बन्धुत्वको भावना जागृत गर्न बुद्ध जयन्तीको विशेष महत्व रहेको बताउनुभयो ।

लुम्बिनी गुरुयोजना शीघ्र सम्पन्न गर्नुपर्नेमा राष्ट्रपति भण्डारीले जोेड दिनुभयो ।

राष्ट्रपति भण्डारीले प्रदेशको उन्नति र प्रगतिलाई पर्यटनसँग जोडरे अघि बढनुपर्ने बताउनुभयो ।

समारोहमा प्रधानमन्त्री केपी शर्मा ओलीले बुद्धको देश नेपाल कहिले पनि हिंसातर्फ जान नहुने बताउनुहुदैंै बुद्ध दर्शनलाई पालना गर्दै मुलुक दिगो शान्तिको बाटोमा अघि बढेको बताउनुभयो ।

प्रधानमन्त्री ओलीले बुद्ध दर्शन र उहाँका विचारहरु २१ औ शताब्दीमा पनि उत्तिकै मूल्यवान र सान्दर्भिक रहेको उल्लेख गर्नुहुदैं बुद्धको पथमा चल्न सबैलाई आग्रह गर्नुभयो ।

अहिंसा र शान्ति प्रर्वद्धन गर्न बुद्धको विचार र दर्शन संसारभर फैलाउनुपर्नेमा जोड दिनुभयो ।

प्रधानमन्त्री ओलीले लुम्बिनी गुरुयोजना सम्पन्न गर्न सरकारले विशेष ध्यान दिने बताउनुभयो ।

कार्यक्रममा प्रदेश नम्बर ५ का मुख्यमन्त्री शंकर पोखरेलले प्रदेश सरकारले सुरुवात गरेको लुम्बिनी भ्रमण वर्षलाई सबैको सहयोगमा सफल बनाईने प्रतिबद्धता जनाउनुभयो ।

प्रदेश ५ का उद्योग, पर्यटन वन तथा वातावरणमन्त्री लिला गिरीले प्रदेश सरकारले एक वर्षमा २० लाख पर्यटक लुम्बिनी भित्र्याउने लक्ष्य लिएको बताउनु भयो ।

लुम्बिनीमा शाक्यवंशीय राजा शुद्धोधन र रानी माया देवीका पुत्रका रुपमा बैशाख शुक्ल पूर्णिमाका दिन जन्मिनुभएका राजकुमार सिद्धार्थ बोधगयामा ज्ञान प्राप्त गरेपछि गौतम बुद्धका नामले विश्वमा प्रख्यात हुनु भएको थियो ।

जन्म, ज्ञानप्राप्ति र महापरिनिर्वाण जस्ता तीन वटा महान घट्ना बैशाख शुक्ल पूर्णिमाकै दिन भएकाले आजको दिनलाई बुद्धका जीवनको अपूर्व संयोगका रुपमा पनि लिइन्छ ।

एसियाका ज्योतिका रुपमा विख्यात भगवान गौतम बुद्धले ८० वर्षको उमेरमा कुशीनगरमा महापरिनिर्वाण प्राप्त गर्नु भएको थियो ।

भगवान गौतम बुद्धद्धारा प्रतिपादित धर्म र उपदेशहरु नेपालका साथै भारत, चीन, श्रीलंका, म्यानमार, थाइल्याण्ड, लाओस, कम्बोडिया, भियतनाम, भुटान, जापान, ं कोरिया, मंगोलिया लगायत विश्वका विभिन्न मुलुकहरुमा बुद्धधर्मका रुपमा विस्तार भएका छन् ।

सम्बन्धित