अर्जेन्टिना र चिलीको साँघुरो जित
ब्राजिलमा जारी कोपा अमेरिका फुटबलमा अर्जेन्टिनाले पहिलो जित निकालेको छ ।
नेपाली समयानुसार शनिबार बिहान भएको खेलमा उरुग्वेलाई १-० गोल अन्तरले पराजित गर्दै अर्जेन्टिनाले पहिलो जित निकालेको हो ।
अर्जेन्टिनालाई जित दिलाउन गुइडो रोड्रिगेजले निर्णायक गोल गरे । खेलको १३ औं मिनेटमा रोड्रिगेजले निर्णायक गोल गरेका हुन् ।
जितसँगै समूह ‘ए’को अर्जेन्टिनाले २ खेलमा ४ अंक जोडेको छ । अर्जेन्टिना शीर्ष स्थानमा रहेको छ ।
हारबाट प्रतियोगिताको सुरुवात गरेको उरुग्वे चौंथो स्थानमा रहेको छ ।
यस्तै, आजै भएको अर्को खेलमा चिली विजयी भएको छ । चिलीले बोलिभियालाई १-० गोल अन्तरले पराजित गरेको हो ।
चिलीलाई जित दिलाउन बेन ब्रेरेटोनले १० औं मिनेटमा निर्णायक गोल गरे ।
जितसँगै समूह ‘ए’को चिलीले २ खेलमा ४ अंक जोडेको छ । चिली समूहको दोस्रो स्थानमा रहेको छ । पुछारमा रहेको बोलिभियाको यो लगातार दोस्रो हार हो ।
प्रतिक्रिया राख्नुहोस्