थप ९ जनामा कोरोना सङ्क्रमण पुष्टि, नेपालमा सङ्क्रमितको सङ्ख्या ३०४ पुग्यो
काठमाडौं – नेपालमा थप नौ जनामा कोरोनाको सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कुल सङ्क्रमितको संख्या ३०४ पुगेको छ ।
मन्त्रालयका सहप्रवक्ता डा. समिरकुमार अधिकारीका अनुसार राष्ट्रिय जनस्वास्थ्य प्रयोगशाला, काठमाडौँमा गरिएको परीक्षणमा रौतहट, इशनाथ न.पा. – २, ३, ६ र ९ निवासी २१, २१, २३, २५, २५, २९, ३० बर्षीय पुरुषहरु, रौतहट माधबनारायण न.पा. – ३ निवासी २८ बर्षीय महिला र बारा, करैयामाई- ५ निवासी ३८ बर्षीय पुरुषमा कोरोनाको सङ्क्रमण देखिएको हो ।
मन्त्रालयका अनुसार हालसम्म उनीहरुको स्वास्थ्य अवस्था सामान्य रहेको र स्वास्थ्यकर्मीको सम्पर्कमा रहेको बताइएको छ ।
प्रतिक्रिया राख्नुहोस्