२०७८ साल जेठ ३१ गते सोमबार

तपाईँ सुन्दै हुनुहुन्छः

पत्रकारद्वारा कोरोना परिक्षणका लागी आरडिटि किट सहयोग

कला राना २०७७ वैशाख ३१ गते १६:४९

स्याङ्जा । स्याङ्जाका एक पत्रकारले कोरोना परिक्षणका लागी आरडिटि किट सहयोग गर्नुभएको छ । नेपालमा समेत पछिल्लो समय कोरोना संक्रमितको संख्या बढिरहेको र कोरोना परिक्षण किट अभाव भईरहेका अवस्थामा नेपाल पत्रकार महासंघ स्याङ्जाका उपाध्यक्ष अर्जुन काफल्लेले बुधबार जिल्ला प्रशासन कार्यालयमा २० थान आरडिटि किट सहयोग गर्नुभएको हो ।

स्याङ्जामा आरडिटि किट अभाव हुँदा क्वारेन्टाईनमा रहेकाहरुलाई समेत कोरोना परिक्षण नगरिकन घर पठाईरहेको अवस्थामा पत्रकार काफ्लेले जिल्ला विपत व्यवस्थापन कोषलाई आरडिटि किट सहयोग गर्नुभएको हो । गोरखा पत्र दैनिकका जिल्ला संवादाता समेत रहनुभएको पत्रकार काफ्लेले प्रमुख जिल्ला अधिकारी रामबहादुर कुरुङबाङलाई उक्त किट हस्तान्तरण गर्नुभयो ।

पत्रकारहरु कोरोना रिपोटिङका क्रममा प्रत्येक दिन अग्रपंक्तिमा रहेर काम गरिरहेको भन्दै पत्रकारलाई नै राहतको व्यवस्था गरिनुपर्ने माग आईरहेका बेला पत्रकार काफ्लेले आँफै किट सहयोग गर्नुभएको छ । यसअघि पत्रकार काफ्लेले अर्जुनचौपारीको विपत व्यवस्थापन कोषमा १० हजार रुपैयाँ सहयोग गर्नुभएको थियो ।

जिल्लामा किट अभाव हुँदा यहाँका पालिकाहरुले आफ्नै खर्चमा किट खरिद गरिरहेका बेला जिल्ला विपत कोषमा काफ्लेले गर्नुभएको किट सहयोग निकै महत्वपुर्ण रहेको प्रमुख जिल्ला अधिकारी रामबहादुर कुरुङबाङले बताउनुभयो ।

सम्बन्धित

रोल्पामा १० दिन थपियो निषेधाज्ञा 

४ मिनेट अगाडि घनश्याम के.सी

धनुषामा एक साताका लागि निषेधाज्ञा थप

११ मिनेट अगाडि अजय कुमार झा

राष्ट्रिय जनमोर्चाका सांसद थापा पदमुक्त

१६ मिनेट अगाडि माधव पराजुली

दुर्घटनामा कांग्रेस नेतृ खातुनको निधन

३० मिनेट अगाडि ध्रुव अधिकारी