२०७८ साल जेठ ३१ गते सोमबार

तपाईँ सुन्दै हुनुहुन्छः

मंगलसेन नगरपालिकाद्वारा समुदायस्तरमै कोरोना परिक्षण

टेकराज भण्डारी २०७७ वैशाख ११ गते १५:२६

अछाम । अछामको मंगलसेन नगरपालिकाले नगरभित्रका सबै वडामा शंकास्पद व्यक्तिहरूको छिटो विधि (आरडीटी)बाट कोरोना परिक्षण कार्य जारी राखेको छ ।

जस अन्तरगत आज वडानम्वर ८, ९, १० र ११ मा १६ जनामा छिटो विधिबाट कोरोना परिक्षण गरिएको छ ।

जुपु स्वास्थ्यचौकीमा पाँच जना पुरुष र ओलीगाउ स्वास्थ्य चौकीमा ११ जनाको परिक्षण गरिएको हो ।

परिक्षण गरेका सबै १६ जनाको रिपोर्ट नेगेटिभ आएको मंगलसैन नगर स्वास्थ्य शाखाका प्रमुख मान बहादुर सोडारीले जानकारी दिनुभयो ।

मंगलबार वडानम्वर १२ र १४ मा तीन महिला र आठ पुरुष गरि ११ जनाको परिक्षण गरिएकोमा उनिहरुको पनि कोरोना रिपोर्ट नेगेटिभ आएको छ ।

वडा÷ वडामा आरडिटि परिक्षणका लागि मंगलसेन नगरपालिका स्वास्थ्य शाखाबाट ल्याव असिस्टेन्ट शिद्दराज देवकोटा र गणेश सोडारीलाई खटाइएको नगरपालिकाका स्वास्थ्य शाखा संयोजक सोडारीले बताउनुभयो ।

बिदेशबाट आएकाहरुलाई घरदैलोमा कोरोना परिक्षणको सेवा दिने उदेश्यले सबै वडामा आरडिटि परिक्षण भइरहेको उहाँको भनाई छ ।

यो चरणमा नगरभरी ७० जना भारत लगायत तेस्रो मुलुकबाट आएको जानकारी रहेको र ती सबैको कोरोना परिक्षण गरिने नगरपालिका प्रमुख पदम बोहराले जानकारी दिनुभयो ।

अछाममा हालसम्म पीसीआर र आरडीटी गरि करिब पाँच सय ६० को कोरोना परिक्षण गरिएको छ ।

सम्बन्धित

रोल्पामा १० दिन थपियो निषेधाज्ञा 

१९ मिनेट अगाडि घनश्याम के.सी

धनुषामा एक साताका लागि निषेधाज्ञा थप

२६ मिनेट अगाडि अजय कुमार झा

राष्ट्रिय जनमोर्चाका सांसद थापा पदमुक्त

३२ मिनेट अगाडि माधव पराजुली

दुर्घटनामा कांग्रेस नेतृ खातुनको निधन

४५ मिनेट अगाडि ध्रुव अधिकारी