२०७८ साल जेठ ३१ गते सोमबार

तपाईँ सुन्दै हुनुहुन्छः

कोभिड–१९ : सप्तरीको सप्तकोशीमा ९७ जनाको आरडिटी परीक्षण, सबै रिपोर्ट नेगेटिभ

संजीब बिक्रम शाह २०७७ वैशाख ८ गते १४:५५

राजविराज । कोरोना भाइरस(कोभिड–१९)को आशंका बढेपछि सप्तरीको सप्तकोशी नगरपालिकाम र्यापिड डायग्नोस्टिक टेस्ट (आरडिटी) परीक्षणलाई निरन्तरता दिइएको छ ।

मेयर उत्तमकुमार गौतम, ४ नम्बरका वडाध्यक्ष बद्रिनारायण चौधरीलगायतका जनप्रतिनिधिसहित आइतबार ९७ जनामा गरिएको परीक्षणमा सबैको रिपोर्ट नेगेटिभ आएको छ ।

सप्तकोशी नगरपालिका २, सिद्धिपुरमा ६६ तथा वडा नं. ४ र १० गरी कूल ३१ जनाको आरडिटी गरिएको थियो । उनीहरु सबैको रिपोर्ट नेगेटिभ आएको जिल्ला स्वास्थ्य कार्यालय सप्तरीका निमित्त प्रमुख दुनियाँलाल यादव बताउनुभयो ।

यसअघि शनिबार वडा नं. १ फत्तपुर (पारुहाङ्ग चौक)का ७५ जनाको आरडिटी गरिएको थिए । सप्तकोशीमा कूल एक सय ७२ जनाको आरडिटी गरिएको छ । जसमध्ये स्थानीय ७१ वर्षीय पुरुषमा कोरोना पोजेटिभ देखिएको थियो । उनलाई परिवारका दुई सदस्यसहित राजविराजको गजेन्द्रनारायण सिंह अस्पतालको आइसोलेसनमा राखिएको छ । उनीहरुको स्वाब संकलन गरी आइतबार पिसिआर परीक्षणका लागि धरानस्थित बिपी कोइराला स्वास्थ्य विज्ञान प्रतिष्ठना पठाइएको छ ।

सप्तरीका कूल ८ जनाको स्वाबको नमुना परीक्षणका लागि पठाइएको अस्पतालका प्रमुख मेडिकल सुपरिटेन्डेन्ट चुमनलाल दासले बताउनुभयो ।

त्रियुगा नगरपालिका– ३ भुल्केस्थित मस्जिदमा फेला परेका कोरोना संक्रमितले आश्रय लिएको पाइएपछि सप्तकोशी नगरपालिकाका विभिन्न स्थानमा आरडिटी टेस्ट सुरु गरिएको थियो ।

सम्बन्धित

रोल्पामा १० दिन थपियो निषेधाज्ञा 

७ मिनेट अगाडि घनश्याम के.सी

धनुषामा एक साताका लागि निषेधाज्ञा थप

१४ मिनेट अगाडि अजय कुमार झा

राष्ट्रिय जनमोर्चाका सांसद थापा पदमुक्त

१९ मिनेट अगाडि माधव पराजुली

दुर्घटनामा कांग्रेस नेतृ खातुनको निधन

३३ मिनेट अगाडि ध्रुव अधिकारी